愚公移山(上)

    年轻人，总会思考将来，亦会憧憬成功。我同阿功细个嗰阵都有幻想过自己长大想做啲乜。

    但随住年纪渐长，作为香港呢一代年轻人，我不得不承认我变得越来越冇呢个胆量；将来，我谂都唔敢谂。

    「做唔到，就坐喺度等Si？」阿功用一种我从来冇见过嘅眼神望住我，向我提出呢个问题。

    然後，佢放低酒杯，慢慢讲出我最想知嘅答案：「半年前，我同阿欣去咗日本旅行，期间我哋帮衬咗一间拉面店，由於我哋好晏先去到，所以我哋差不多系最後一枱客人。」

    「我哋唔觉意带咗啲之前买嘅野食入埋拉面店度食，虽然语言不通，但从店员嘅表情我哋发觉到唔妥，为免老板会将我哋打成香港之耻再放上网，我哋即刻向对方示意道歉，尽量化解误会。期间我哋发现，店内其中一个店员原来系香港人，喺佢嘅帮助下我哋先冇b老板将单野放上网b人围cHa。」

    「之後我哋同嗰位香港人店员继续倾计，不过b你估一百次都估唔到，原来佢喺香港有几层楼同两个舖位收紧租，基本上打跛对脚下半世都唔驶忧??」

    我忍唔住即刻问：「咁佢仲走去日本学做拉面托咩？前世未辛苦过？」